Nananawagan ang National Task Force Against COVID-19 sa publiko na huwag tangkilikin ang mga manlolokong gumagawa ng pekeng negative swab test result.
Binalaan ni NTF Spokesperson Restituto Padilla ang mga tatangkilik ng pekeng swab test result sa posibleng parusang kaharapin ng mga ito.
Giit ni Padilla isang kriminal na gawain ang pamemeke ng swab test result sa gitna ng national health emergency.
Una rito, napaulat ang isa umanong empleyado ng isang lehitimong laboratoryo ang nag-aalok ng instant negative RT-PCR result nang hindi dumadaan sa proseso gaya ng pagsa-swab.
