Nakatakdang i-reactivate ng Department of Agriculture – Region 2 ang kanilang naunang binuong Avian Influenza Task Force dahil sa banta ng bird-flu.
Inihayag ni dr. Manuel Galang Junior, veterinarian ng DA–Region 2 na bagaman maituturing na Avian Influenza o bird flu virus free ang Cagayan Valley Region, kailangan pa ring maghanda.
Ito’y makaraang libu-libong pugo at pato ang namatay sa mga lalawigan ng Bulacan at Pampanga dahil sa bird flu virus na ngayon ay kontrolado na ng gobyerno.
Ayon kay Galang, noon pang mga nakalipas na taon itinatag ang Avian Influenza Task Force ng mga miyembro mula municipal, provincial at regional levels.
Magsasagawa din anya sila ng intensive campaign at sasanayin ang mga provincial veterinarian at LGU bilang preparasyon.