Nagdadalawang isip pa ang MMDA kung ibabalik na nito ang number coding scheme sa National Capital Region.
Ayon kay MMDA Chair Benhur Abalos, posible kasing magdulot ito ng pagsisiksikan sa mga pampulikong transportasyon.
Paliwanag pa ni Abalos, karamihan ay iisa lang ang sasakyan at sa oras na maibalik ang number coding, posibleng mag jeep na lang o mag bus ang mga maaapektuhan nito.
Mas maigi na aniyang nakasasakyan ang iba na nagsisilbi na rin nilang personal health bubble kaysa dumami ang tao sa mga pampublikong transportasyon dahilan para lalong lumaki ang tyansa ng hawaan ng COVID-19.