Naaliw ang mga netizen matapos mapanood ang bagong vlog content ni Unkabogable Star Vice Ganda.
Sa panibagong video na inupload ni Vice, kaniyang hinouse raid o binisita ang bahay ni Dra. Vicki Belo.
Madaming viewers ang natuwa sa pangpe-play time ni Vice kung saan, maraming ipinakitang “dirty secret” si Vice sa loob ng kwarto ni Dra. Vicki.
Bukod pa diyan, chinalange pa ni Vice si Dra. Vicki na paghiwalayin ang magkadikit na katol, sindihan at itayo ito sa isang stand kung saan, halatang hindi alam ng doktora kung papaano ito paghihiwalayin ng hindi napuputol.
Sa ngayon, umabot na sa halos 2.5-M views at 88K likes ang ginawang video vlog ni Vice kay Dra. Vicki Belo. —sa panulat ni Angelica Doctolero
