Kinumpirma ng National Capital Region Police Office na noon pang Pebrero 28 taong 2013 inaresto ang napaslang na si Aurora Moynihan, kapatid ng aktres na si Maritoni Fernandez.
Ayon sa NCRPO, pagkakasangkot sa iligal na droga ang dahilan ng pagkaka-aresto ng Taguig City Police kay Moynihan.
Kasamang naaresto ni Aurora ang iba pang drug personalities sa Taguig na sina Joana Tingga, Henry Tingga at Crayon Ong.
Narekober mula sa grupo nina Moynihan ang ilang uri ng droga tulad ng shabu, ecstacy at marijuana na kanilang ibinebenta at pinaniniwalaang nag-o-operate ng drug den.
Gayunman, nakalaya ang kapatid ni Fernandez matapos magpiyansa habang nananatili sa piitan ang mga kasama nitong inaresto.
Kahapon ay natagpuang patay si Moynihan sa Quezon City at isa sa mga tinitingnang anggulo sa pamamaslang ay ang pagkakasankot nito sa illegal drugs operation.
By: Drew Nacino / Allan Francisco
