Tuloy-tuloy ang pagpapatupad ng programa para sa paglilinis ng mga kalsada sa mga pangunahing lungsod sa buong bansa.
Ito ang binigyang diin ng Department of Interior and Local Government (DILG) kahit pa natapos na ang itinakdang deadline sa mga Local Government Units (LGUs) para linisin at alisin ang lahat ng klase ng sagabal sa mga lansangan.
Ayon kay DILG Undersecretary at Spokesperson Jonathan Malaya, magpapalabas ng bagong memorandum circular ang ahensiya para ipagbigay alam sa mga LGUs ang pagpapatuloy ng national clearing program.
Gayundin, ang pagsasagawa ng quaterly validation ng DILG para matiyak kung nakasusunod pa rin ang mga lokal na pamahalaan sa kautusan.
Dagdag ni Malaya, nakatakda ang susunod na pag-iikot ng validation team ng DILG sa Disyembre.