Pumalo na sa sampu ang kabuuang blang ng nasawi matapos yanigin ng Magnitude 7 na lindol ang Abra at iba pang parte ng Luzon.
Ayon kay Mark Timbal, Tagapagsalita ng national Disaster Risk Reduction and Management Council (NDRRMC), apat pang bangkay ang nakuha sa abra na una nang napaulat na nawawala.
Pawang mga lalaki ang panibagong nasawi na kinilalang sina Marcos Barreyro, 38; Louis Dining, 21; Jack Gamengan, 17; at Angelo Badi, 15.
Samantala, nananatili pa rin sa 136 ang naitalang nasugatan dahil sa pagyanig.
Naibalik naman ang suplay ng kuryente sa 38 lungsod at Munisipalidad sa mga lugar sa Abra at mga karatig bayan nito.