Naniniwala si Philippine National Police (PNP) Chief Ronald ‘Bato’ Dela Rosa na makatutulong sa paglaban sa terorismo ang pagsasabatas ng National ID System at ang Nationwide Sim Card Registration.
Ayon kay Dela Rosa, matagal na nilang isinusulong ang naturang dalawang panukalang batas.
Ngunit, nagiging pahirapan aniya ang paglusot ng mga ito sa Kongreso.
Aminado si Dela Rosa na maluwag ang mga batas ng Pilipinas kontra terorismo kaya’t mas pinipili itong puntahan ng mga terorista.
Matatandaang sinabi ni Armed Forces of the Philippines (AFP) Chief of Staff General Eduardo Año na isinusulong nila ngayon sa Kongreso na amyendahan ang kaksalukuyang Human Security Act para magka-pangil ang batas kontra terorismo.
