Nagpasok ng not guilty plea si pork barrel fund scam queen Janet Lim Napoles gayundin ang mga opisyal ng DBM o Department of Budget and Management sa ikalawang dibisyon ng Sandiganbayan.
Kaugnay ito sa mga kasong graft at malversation na isinampa ng Office of the Ombudsman hinggil sa maanomalyang PDAF o Priority Development Assistance Fund scam na nagkakahalaga ng multi-bilyong Piso.
Kabilang sa mga kapwa akusado ni Napoles si dating DBM Undersecretary Mario Relampagos gayundin ang mga kasalukuyang kawani ng DBM na sina Rosario Nuñez, Lalaine Paule at Marilou Bare gayundin si dating Davao Del sur Rep. Douglas Cagas.
Batay sa charge sheet ng Ombudsman, pinili umano ni Cagas ang Countrywide Agri and Rural Economic and Development Foundation na sinasabing kunektado kay Napoles para ruon iparaan ang mahigit siyam na milyong Pisong kickbak nito.
