Pormal nang nagbayad ang PAL o Philippine Airlines sa CAAP o Civil Aviation Authority of the Philippines at MIAA o Manila International Airport Authority ng anim na bilyong Piso.
Ito’y makaraang magbanta si Pangulong Rodrigo Duterte kay Airline Magnate Lucio Tan na kaniyang ipasasara ang NAIA Terminal 2 kapag hindi nabayaran ang mga utang na buwis nito sa pamahalaan.
Batay sa inilabas na joint statement ng PAL at DOTR o Department of Transportation, nagkaroon na sila ng resolusyon kaugnay sa mga hindi nabayarang duties and taxes ng nasabing airline.
Pagtitiyak ng PAL, pananatilihin nilang maagap at updated ang kanilang mga transaksyon sa MIAA at CAAP upang maipakita ang kanilang kumpiyansa at tiwala sa administrasyong Duterte.