Arestado ang dalawang suspek na umano’y nagpanggap bilang tauhan ng DILG o Department of the Interior and Local Government.
Kinilala ang mga suspek na sina Ricardo Simbulan at Mitus Sampayan.
Batay sa imbestigasyon ng Makati City nangangalap umano ng pera ang dalawang suspek at sinasabing ibibigay sa mga biktima ng bakbakan sa Marawi City.
Nagpanggap pa umano ang isa sa kanila bilang si DILG Officer in Charge Catalino Cuy at nanghihingi ng kalahating milyong Pisong donasyon sa isang regional director.
Nilinaw naman ni Cuy kasabay ang babala na huwag magpapaloko sa kung sinoman dahil hindi sa ganitong paraan sila nangangalap ng donasyon.
