Nagmistulang bold show ang dapat sana’y motor show sa Tayug, Pangasinan.
Ito’y matapos maghubad ang limang lalaking mananayaw sa entablado kung saan, navideohan pa ang mga ito habang tinatanggal ang kanilang mga damit habang nagsasayaw.
Ayon sa mga otoridad, tatlo sa limang lalaki ay residente ng Tayug habang hindi pa nakikilala ang dalawa pang lalaki.
Kaagad namang nagsagawa ng imbestigasyon ang mga otoridad alinsunod na rin sa utos ng Lokal na Pamahalaan ng Tayug.
Ipinaliwanag naman ng mga organizer na nagpagawa sila ng challenge sa ngunit hindi nila inaasahan na aabot sa paghuhubad ang nangyari.
Sa inilabas na pahayag ng Lokal na Pamahalaan, mariin anilang kinokondena ang mahalay na gawain sa lugar kung saan ginanap ang motor show. —sa panulat ni Hannah Oledan