Namemeligrong umabot pa hanggang buwan ng Agosto ang nararanasang red alert sa suplay ng kuryente sa Luzon.
Ayon iyan kay Electric Power Industry Management Bureau Dir. Mario Marasigan sa pagdinig ng senate committee on energy.
Sinabi ni Marasigan, apat na planta ng kuryente aniya ang magsasabay-sabay ng preventive maintenance tulad ng Sual at Pagbilao power plants habang nasa extended outage pa rin ang Mariveles energy center.
Subalit ipinaliwanag ni Marasigan na hindi naman ibig sabihin na nasa red alert ay magkakaroon na nga ng brownout.
Pero kinontra ito ni Senador Sherwin Gatchalian na nagsabing ang malaki ang tsansa ng power outage kapag nasa red alert ang suplay ng enerhiya bukod pa iyan sa matagal nang nakagawian ng publiko na magtipid sa kuryente.