Isinugod sa ospital si Mothers for Change Partylist Nominee Mocha Uson matapos maaksidente sa kaniyang sinasakyang motorsiklo sa bataan.
Ayon kay Uson, nasa kalagitnaan sila ng pangangampanya nang maganap ang aksidente.
Sa kaniyang Facebook post, ipinakita niya sa publiko ang mga gasgas, pasa at pilay na kaniyang natamo kung saan, nabali din ang kaniyang collarbone na kailangang operahan at pagdikitin gamit ang implants.
Ayon kay Uson, malaking tulong ang kaniyang safety gears at riding boots kahit na malakas ang impact ng kaniyang pagkakabagsak.
Sa ngayon, isasalang si Uson sa examination upang malaman ang iba pang nadamage sa kaniyang katawan. – sa panulat ni Angelica Doctolero