Pinakakasuhan ng Ombudsman si MNLF Founder Nur Misuari kaugnay sa maanomalyang pagbili ng educational materials na nagkakahalaga ng halos 138 Million Pesos mula 2000 hanggang 2001
Si Misuari ay nahaharap sa tig tatlong count ng Malversation of public funds through falsification at paglabag sa anti graft and corrupt practices act
Kabilang din sa pinakakasuhan ang limang opisyal mula sa Department of Education, isang opisyal mula sa Commission on Audit at suppliers ng mga libro na ang pagbili ay inaprubahan ni Misuari
Nabatid na walang public bidding na isinagawa para sa pagbili ng mga educational materials bukod pa sa walang petsa at iba pang mahahalagang impormasyon sa procurement documents
Ibinasura naman ang kaso laban kina dating Undersecretary Abdurajul Alpha at Regional Secretary Mahid Mutilan dahil pumanaw na ang mga ito bago pa man kasuhan
By: Judith Larino / Jill Resontoc