Ipinagdiinan ngayon ni Senate Minority floor leader Ralph Recto na hindi drug lord at hindi rin drug user si Mary Jane Veloso dahil ginamit lang ito ng hindi niya nalalaman para magpuslit ng ipinagbabawal na gamot.
Inihayag ito ni Recto makaraang igiit na dapat na mabigyan ng clemency at bigyan ng buong suporta ni Pangulong Rodrigo Duterte si Veloso para maisalba ito sa parusang kamatayan sa Indonesia.
Ayon kay Recto, nagtungo si Veloso sa Indonesia para magtrabaho bilang kasambahay at hindi niya alam na ginamit siya bilang drug mule.
Kung ie-execute aniya si Veloso, hindi na ito makate-testigo laban sa naarestong miyembro ng sindikato na bumiktima rito.
Idinagdag pa ni Recto na si Veloso ang pinakamahusay na tumayong testigo para maisiwalat kung paano ang kalakaran ng sindikato ng droga na bumiktima sa kanya.
By: Meann Tanbio / Cely Bueno
