Patay ang isang minero matapos mahulog sa limang metrong lalim ng butas sa Benguet.
Ang biktima ay nakilalang si Rene Bontiyek Degma, 27-taong gulang at residente ng Camp 7, Baguio City.
Ayon kay Chief Inspector Eugene Raymundo, hepe ng Itogon PNP, isang minero ang nakakita sa labi ng biktima nang buksan nito ang blower sa minahan.
Sinabi ng mga awtoridad na hindi nakita ng biktima ang malaking butas kung saan ito nahulog na naging dahilan nang pagkabali ng kaniyang leeg.
—-
