Pinayagan na ng Department of Transportation ang mahigit 100 pasaherong patungo ng Zamboanga City na makauwi matapos ma-stranded ng mahigit isang linggo sa Manila North Port passenger terminal dahil sa “no vaccine, no ride” policy.
Ayon kay Philippine Ports Authority (PPA) General Manager Jay Santiago, hinarang ang mga pasahero sa port dahil sa kabiguang magpakita ng vaccination cards at RT-PCR test results na kailangan sa kanilang destinasyon.
Ngunit dahil sa awa, pinahintulutan ng DOTr ang mga nasabing indibdwal na bumiyahe bukas, January 24, matapos na makapagpabakuna sa Manila City Government.
Samantala, sumang-ayon din ang lokal na pamahalaan ng Zamboanga na tanggapin ang mga uuwing pasahero ngunit kailangan ng mga ito na magpakita ng negatibong resulta ng antigen test. —sa panulat ni Airiam Sancho
