Tukoy na ng National Capital Region Police Office ang mga posibleng lugar sa Metro Manila na pinagku-kutaan ng mga miyembro ng teroristang grupo.
Ayon kay NCRPO Chief Oscar Albayalde kabilang sa mga lugar na tinutukan ng kanilang hanay ay ang Maharlika Village sa Taguig, muslim areas sa Maynila at ilang lugar sa Quezon City.
Paliwanag ni Albayalde, hindi nila inaalis ang posibilidad na humalo ang mga terorista sa komunidad ng mga Muslim.
Kasunod nito, umapela si Albayalde sa mga leader ng Muslim Community na makipagtulungan sa mga otoridad para sa ikadadakip ng mga ito .
Kabilang na din dito ang pagbibigay ng impormasyon kaugnay sa mga kaduda-dudang indibidwal sa kanilang lugar.
Gayunman, nilinaw ni Albayalde na wala pa silang natatanggap na banta sa seguridad sa kalakhang Maynila.
RPE