Muling pinaalalahanan ng National Capital Region Police Office (NCRPO) ang mga taga-Metro Manila na bawal pa ring dalhin ang mga paslit sa mall.
Ito’y ayon kay NCRPO Director P/BGen. Vicente Danao Jr. sa kabila ng maluwag na general community quarantine (GCQ) sa Metro Manila.
Ayon kay Danao, nagkaisa na ang lahat ng mga alkalde sa kalakhang maynila na ipagbawal ang mga menor de edad sa mga mall ngayong kapaskuhan.
Dinoble na rin aniya nila ang puwersa ng pulisya sa mga shopping mall at iba pang matataong lugar upang panatilihin ang minimum health standards at tingnan kung may mga kabataang pagala-gala sa daan.
