Tanggap ni Pangulong Rodrigo Duterte ang mga batikos sa kanya kasunod ng naging pahayag nito laban sa Diyos at Kristyanismo.
Ayon kay Presidential Spokesman Harry Roque, paulit-ulit nang nabanggit ng Pangulo na handa niyang saluhin ang anumang puna sa dahil mga Pinoy naman ang nagpapa-suweldo sa kanya.
Kung tutuusin anya ay naibato na ang lahat ng akusasyon at kritisismo sa Punong Ehekutibo na tinatanggap naman nito sa ngalan na rin ng kalayaan sa malayang pananalita.
Nilinaw din ni Roque na walang makapag-rereklamo laban sa Pangulo na sinupil nito ang kalayaan sa pamamahayag gayung hinahayaan lamang nito ang anumang banat sa kanya.
—-
