Tinutugis na ng mga pulis ang mga may-ari ng warehouses kung saan nakumpiska ang may P3-M halaga ng pekeng food seasoning.
Sinalakay ng PNP-CIDG Anti-Fraud Unit ang Tianci International Cargo Express/Lucky Javier Santos Warehouse sa Platinum Street, Barangay Tinajeros, Malabon City, ganun din ang isang warehouse sa Barangay Niog 3, Molino, Bacoor, Cavite; at isang wholesale store sa Blumentritt, Maynila.
Ayon sa acting Chief ng CIDG Anti-Fraud Unit na si Superintendent Rizalito Gapas, ibinebenta ng P5.00 kada tatlong piraso ang mga pekeng food seasoning.
Higit na mas mura ito kumpara sa orihinal na presyo na P4.00 kada piraso.
Sa bangketa at sa mga sari-sari store, aniya, ibinabagsak ang mga pekeng food seasoning.
By Avee Devierte |With Report from Jonathan Andal
