Pinayagan na ni Cavite Governor Jonvic Remulla ang mga malls sa Cavite na muling magbukas simula sa araw na ito, Miyerkules, ika-20 ng Mayo.
Gayunman, mas nilimitahan pa ni Remulla ang oras ng operasyon ng mga malls.
Maaari anyang magbukas ng alas-10 ng umaga ang mga malls at magsasara ito ng alas-5 ng hapon.
Sinabi ni Remulla na dapat putulin na ang pagpasok ng tao pagsapit ng alas-5 at dapat ay nakalabas na ang lahat ng customers pagdating ng alas-6 ng gabi.
Matatandaan na agad ipinasara ni Remulla ang mga malls sa Cavite matapos itong payagang magbukas noong Lunes sa ilalim ng general community quarantine matapos na hindi masunod ang social distancing.
