Pinatitiyak ng Department of Tourism (DOT) sa mga hotel na ginagamit na quarantine facilties na dapat masunod ang mandatory 14 days quarantine.
Ito’y para mga umuuwing Overseas Filipino Workers (OFWs) sa Pilipinas mula sa mga bansang saklaw ng travel ban dahil sa bagong variant ng coronavirus.
Ayon kay DOT-NCR Director Woodrow Maquiling Jr, dapat isailalim pa rin sa quarantine ang mga balik bayang ofw kahit pa nagnegatibo na sila sa RT-PCR o swab test.
Kahapon, nadagdagan pa ang mga bansang saklaw ng travel restrictions papasok ng Pilipinas tulad ng Brazil, Finland, India, Jordan, Norway at Portugal.
