Magsasama-sama ang iba’t ibang grupo ng mga muslim upang lumikha ng kapalit ng Bangsamoro Basic Law.
Ayon kay Presidential Adviser on the Peace Process Jesus Dureza, kabibilangan ng Moro Islamic Liberation Front, Moro National Liberation Front, Autonomous Region in Muslim Mindanao, at mga kinatawan ng mga katutubo sa Mindanao ang itatatag na Bangsamoro Transition Commission na siyang lilikha ng bagong Bangsamoro Basic Law.
Sa pagpupulong ng National Security Council, inaprubahan ni Pangulong Rodrigo Duterte ang tinaguriang Roadmap for Peace para sa Mindanao at pinapurihan iyon ni MILF Chairman Al Haj Murad Ebrahim.
Sinabi ni Dureza, dapat munang magkaisa ang iba’t ibang grupo sa Mindanao bago lumikha ng isang batas na inaasahang tatapos sa ilang dekada ng pag-aaway sa Mindanao.
By: Avee Devierte
