Tiniyak ni House Speaker Faustino “Bojie” Dy III, na matututukan at magiging patas ang ipinapasang proposed national budget para sa susunod na taon.
Ayon kay Speaker Dy, masusing tinatalakay at binubusisi ng Budget Amendments Review Subcommittee o BARSC sa deliberasyon ng House Appropriations Committee ang 2026 national budget.
Binigyang-diin ng lider ng Kamara na mababantayan ang pagproseso sa pondo upang maitama ang alokasyon sa mga ahensya ng gobyerno matapos tapyasin ang 255-billion-peso na pondo mula sa flood control projects ng Department of Public Works and Highways.
