Isinusulong ni Senator Loren Legarda ang panukalang batas na mag-aamyenda sa Public Employment Service Office o PESO Act o ang Republic Act 8759 na tutugon sa pangangailangan at pagkakaroon ng mas maraming oportunidad para sa mga pilipino.
Ayon sa senadora, layunin ng naturang panukala na masolusyunan ang dumaraming bilang ng unemployment at underemployment sa bansa.
Batay sa Senate Bill No. 7 ang pangalang PESO offices ay papalitan bilang Public Employment and Entrepreneurship Service Office (PEESO), at itatayo ang Barangay Employment and Entrepreneurship Service Office (BEESO) sa mga barangay.
Bukod pa diyan, malaking tulong din ito para maitaguyod ang entrepreneurship, upang mas mahasa sa kasanayan ang mga pilipino at mahikayat sila sa self-employment opportunities na magpapalakas sa ekonomiya ng bansa lalo na sa paggawa ng trabaho at kabuhayan.