Maaaring maging mitsa ng isang panibagong deklarasyon ng martial law kung magpapatuloy ang kaguluhan sa gitna ng mga kilos-protesta kontra korapsyon.
Ito ang ibinabala ng political analyst na si Professor Froilan Calilung matapos ang naganap na karahasan sa mismong bakuran ng Malacañang, kahapon.
Aminado si Calilung na nakalulungkot na may mga nasaktan sa naganap na sagupaan ng mga pulis at raliyista sa Mendiola at C.M. Recto Avenue sa Maynila sa kabila ng mapayapa sanang Trillion Peso March.
Nanawagan naman si Calilung na ipagpatuloy ang panawagang panagutin ang mga sangkot sa pagnanakaw sa kaban ng bayan, partikular sa pondo ng mga palpak anyang flood control projects, ngunit dapat itong gawin sa mapayapang paraan.
