Isang kasunduan ang sinelyuhan ng National Bureau of Investigation (NBI) at SM Supermalls kaugnay sa pagtatayo pa ng dagdag na Clearance Centers ng ahensya sa itinuturing na pinakamalaking mall sa bansa.
Ang Memorandum of Agreement ay nilagdaan nina NBI Director Medardo de Lemos at SM Supermalls President Steven Tan at Senior Vice President for Operations Bien Mateo.
Ang nasabing kasunduan ay hudyat nang partnership sa buong bansa ng SM Supermalls at NBI para gawing accessible sa publiko partikular sa mall goers ang NBI Clearance Center (NCC) kung saan mayruon na rin ang SM Bacoor at SM Cebu sa ilalim ng One Stop Shop Service Center (OSSCO) ng Gobyernong Duterte at SM Las Piñas na una namang isinulong ng Las Piñas City LGU.
Dahil sa nasabing MOA, mararamdaman na ang presensya ng NBI sa buong bansa sa ilalim ng special arrangement katuwang ang Local Government Units at SM Supermalls kung saan ang itatayo ang NCC’s sa SM Consolacion sa Cebu, SM Cabanatuan, SM Seaside Cebu City, SM Puerto Princesa at SM Bacolo,d samantalang nagpaabot na ng suporta sa partnership ang mga LGU ng Trece Martires sa Cavite at Angono sa Rizal.
Bilang bahagi ng adhikain ng SM Group na magbigay ng kumpletong serbisyo sa mga komunidad, nagkasa na ang SM Supermalls ng Government Service Express (GSE) Center sa ilang piling mall sa bansa kung saan naroon ang opisina ng mga ahensya ng gobyerno para na rin maging accessible sa mga publiko sa pamamagitan ng network ng SM Supermalls sa buong bansa.
