Binigyang-diin ni Executive Secretary Ralph Recto na higit pa sa pag-apura ang hiling ni Pangulong Ferdinand Marcos Jr. na maaksyunan ng Kongreso ang apat na mahahalagang panukalang batas.
Ang tinutukoy ni Recto ay ang Anti-Political Dynasty Bill, Independent People’s Commission Act, Party-List System Reform Act at Citizens Access and Disclosure of Expenditures for National Accountability o CADENA Act.
Ayon sa kalihim, nangangailangan ito ng malawakang konsultasyon sa lahat ng sektor para maipalood ang pinakamagagandang ideya sa gagawing mga batas.
Iginiit nito na dahil mahalaga at kinakailangan ang nasabing bills, dapat buksan sa lahat ng grupo ang imbitasyon sa pagbalangkas ng mga ito para maging kumbinsido sa mga tao.
Sinabi pa ni Sec. Recto na ang malawakang konsultasyon ay magreresulta ng mas magagandang batas.
At magagawa lang anya ito kung makukuha ang lahat ng mga pananaw at opinyon.—sa panulat ni Anjo Riñon
