Bukod sa artificial intelligence, sumentro rin ang unang bahagi ng podcast ni Pangulong Ferdinand Marcos Jr. sa epekto ng digital world sa kabataan, partikular ang cyberbullying at cancel culture.
Dahil dito, nagpaalala si Pangulong Marcos na dapat maturuan ang mga kabataan na may buhay sa labas ng social media.
Hindi anya dapat nakasentro ang kahalagahan ng sarili sa mga nangyayari online.
Nilinaw rin ng pangulo na hindi dapat maging kapalit ng tunay na karanasan at ugnayan ang digital presence.
Mahalaga aniyang maunawaan ng kabataan ang realidad sa labas ng kanilang screen o gadgets.—sa panulat ni Anjo Riñon
