Sa gitna ng ikinakasang peaceful rally for transparency sa Quirino Grandstand, mananatili ang ilang Iglesia ni Kristo members hanggang sa Martes.
Ito’y upang ipanawagan ang transparency at accountability sa pamahalaan dahil sa lumalalang kurapsyon dulot ng palpak na flood control projects.
Batay sa nakapanayam ng DWIZ team sa mga INC member, tatagal sila hanggang Martes upang iapela sa pamahalaan na tigilan na ang kurapsyon at panagutin ang mga kurakot sa flood control project.
Tatagal din ang ilan anila sa mga miyembro nito ay hanggang sa Lunes dahil may pasok na sa trabaho.
Ayon kay Aling Marites, isa sa miyembro ng INC, may ipinadala namang pagkain at tubig ang kanilang lokal gayundin ang kanilang distrito upang hindi sila makaranas ng gutom sa tatlong araw na peaceful rally.
Nanawagan din ang ilan sa mga senior citizen na dapat maging transparent sa mga proyekto at budget.
