Walang kinalaman ang NPA o New People’s Army sa nangyaring pagkasunog ng military arsenal sa Camp Servillano Aquino sa Tarlac City.
Ito ang nilinaw ni Armed Forces of the Philippines o AFP Public Affairs Office Chief Col. Edgard Arevalo sa harap na rin ng nagbabadyang muling digmaan sa pagitan ng militar at ng mga rebelde.
Ayon kay Arevalo, wala silang nakikitang kuneksyon sa terorismo sa nangyaring sunog kamakalawa ng gabi at tanging usapin ng maintenance and safety ang kanilang tinututukan.
Gayunman, hihintayin na lamang nila ang opisyal na ulat mula sa BFP o Bureau of Fire Protection upang matukoy kung ano ang tunay na sanhi ng nasabing insidente.
By Jaymark Dagala | With Report from Jonathan Andal
Photo Credit: Wikipedia