Iginiit ni Palace Press Officer at PCO Usec. Atty. Claire Castro na hindi makikialam si Pangulong Ferdinand Marcos Jr. sa usapin ng impeachment case laban kay Vice President Sara Duterte.
Ito ang paglilinaw ni Usec. Castro kasunod ng una niyang sinabi na bukas si Pangulong Ferdinand Marcos Jr. na kausapin ang dalawang liderato ng kongreso para magkasundo.
Sa press briefing sa Malacañang, sinabi ng Palace Official na handa lamang sumali ang pangulo sa mga usaping panukalang batas at hindi sa usaping impeachment.
Nabatid na nagkaroon ng bangayan sa pagitan ng senado at kongreso matapos ibalik ng senado sa kamara ang articles of impeachment laban sa bise presidente para linawin kung ito ay ligal at walang nilabag sa konstitusyon.
—ulat mula kay Gilbert Perdez (Patrol 13)
