Hindi bahagi ng program ng National Task Foce to End Local Communist Armed Conflict (NTF-ELCAC) ang ‘red-tagging’.
Ito ang inihayag ni National Security Adviser Hermogenes Esperon sa pagdinig ng senado sa isyu ng red-tagging.
Ayon kay Esperon, nakatuon ang kanilang program sa pagpapaunlad sa komunidad para matigil na ang local communist armed conflict.
Iginiit naman ni DILG Sec. Eduardo Año na sinasabi ng mga kritiko na ang red-tagging ay produkto lang ng imahinasyon , pero mismong si Communist Founding Chairman Jose Maria Sison ang nagred-tag sa Gabriela, Bayan, Kilusang Magbubukid ng Pilipinas at Alliance of Concerned Teachers (ACT).
Sinabi anya mismo ni Sison na front ng CPP ang nabanggit na mga militante o makakaliwang grupo.
Una rito, sinabi ni Esperon na ang CPP ang utak o mastermind ng komunismo habang ‘shield’ nito ang National Democratic Front.
Kahit anya nababawasan na ang puwersa ng CPP-NPA, pero nagre-recruit ang mga ito kung saan mga kabataan ang target ng recruitment.
Sa kanyang presentation, idinetalye ni Sec. Año kung paano ang ginagawang recruiment ng CPP-NPA.
Meron anyang mga lectures urso na ibinibigay para yakapin ng mga kabataan ang kanilang ideolohiya.
Tatlo hanggang limang araw anya ang ginugugol para sa indoctrination, immersion at exposure.
Samantala, sinabi ni Defense Secretary Delfin Lorenzana na napapanahon para mailantad na ang mga tao o grupo na nagtatangka at nagsisikap na wasakin ang ating demokrasya. —ulat mula kay Cely Ortega-Bueno (Patrol 19)