Hindi pag aaksayahan ng panahon ng Malakaniyang si retired SPO3 Arthur Lascanias.
Ayon kay Presidential Spokesman Ernesto Abella kaduda duda at hindi dapat pagkatiwalaan si Lascanias dahil sa kuwestyonableng kredibilidad nito.
Nasaksihan naman aniya ng publiko nang kontrahin ni Lascanias ang testimonya ni Edgar Matobato laban sa Pangulong Rodrigo Duterte nang humarap sa Senado nuong 2016 subalit makalipas lamang ang ilang buwan ay nag iba na ang bersyon nito.
Hindi na aniya sasagot ang palasyo sa mga alegasyon ni Lascanias na kung may matibay na ebidensya ay dalhin na lamang sa korte ang mga paratang laban sa Pangulo.
By : Judith Larino / Aileen Taliping
