Aminado ang Malacañang na marami pang dapat ayusin at paghusayin sa implementasyon ng K to 12 program ng gobyerno.
Kasunod na rin ito ng mga lumutang na mga problema nitong mga nakalipas na araw sa pagsisimula ng School Year 2016-2017, lalo na sa grade 11 o senior high school.
Sinabi ni Presidential Communications Secretary Sonny Coloma, kumpyansa ang palasyo na malalagpasan din ng Department of Education ang hamong nararanasan dahil normal lamang ito sa nagsisimulang programa.
Bukod kasi sa mababang bilang ng enrollee sa senior high school, problema rin ng DepEd ang kulang na classroom kaya napipilitang mag-tatlong shift sa mga paaralan.
Taliwas naman ito sa ipinangangalandakan noong panahon ng kampanya ni Pangulong Noynoy Aquino na napunan na ng kanyang administrasyon ang back log sa mga silid-aralan.
By: Avee Devierte