Napabilang ang Makati City sa mga pinakaligtas na lungsod sa bansa.
Ayon sa travel website na travelsafe-abroad.com, nasa ika-anim na pwesto ang lungsod sa listahan ng sampung safest cities sa Pilipinas dahil sa mababang crime index.
Dahil dito, hinikayat ng naturang travel website na bisitahin ang ilang lugar sa Makati City gaya ng Ayala Triangle Gardens, Restaurants at mga Bar.
Samantala, napasama rin sa naturang listahan ang Davao, Bohol, Baguio, Dumaguete, Iloilo, La Union, Palawan, Tagaytay, at Valenzuela City.
