Hinamon ni House Deputy Minority Leader at ACT Teachers Partylist Rep. Antonio Tinio si Pangulong Ferdinand Marcos Junior at dating Usec. Adrian Bersamin na magsalita na hinggil sa sinasabing palitan nila ng mensahe kaugnay ng “kickbacks” sa flood control projects.
Ayon kay Rep. Tinio, lehitimo ang nasabing alegasyon batay sa nakita niyang mensahe, pero mas mainam anya na ang Pangulo at si Bersamin na ang magkumpirma at magpaliwanag sa publiko.
Ipinunto ng kongresista na ayaw niyang manatili na iilan lamang ang may alam ng nasabing isyu, kasabay ng paggigiit na dapat magsagawa ng imbestigasyon para matumbok kung sino ang may pagkakasala at ang dapat managot.
Matatandaang sinabi ni Congressman Tinio na ang naturang mga impormasyon ay nagmula kay Batangas Representative Leandro Leviste, kung saan ipinakita sa kanya ang “screen-recordings” ng mga mensahe.
