Nilinaw ni House Majority Leader Sandro Marcos na hindi ang Malacañang ang pumili kay Isabela Rep. Faustino “Bojie” Dy III bilang bagong House Speaker.
Sinabi ni Cong. Marcos na ang pagkakatalaga kay Speaker Dy ay dahil sa ikinasang botohan ng mga kongresista, kung saan nakakuha si Speaker Dy ng 253 na boto.
Kinausap aniya nila ang mga party leaders kung sino ang sa tingin nilang maaaring pumalit sa maiiwang posisyon ni dating House Speaker at Leyte Rep. Martin Romualdez.
Sinagot din ng kongresista ang pahayag ni Davao City 1st District Rep. Paolo “Pulong” Duterte na “cover up move” lang ang ginawang pagbibitiw ni dating Speaker Martin Romualdez.
Iginiit ni Cong. Marcos, na posibleng “style” na ni Cong. Pulong ang pag-cover up noon pang panahon ng pamumuno ng kanyang ama na si dating Pangulong Rodrigo Duterte.
Tiniyak ng presidential son na nagsagawa sila ng konsultasyon at kung nagpapakita ang Davao solon sa mga sesyon ay malalaman nito ang mga kaganapan sa Kamara… sa halip na atupagin ang paghahanap sa 51 billion pesos na pondong inilaan sa distrito nito.
