Umabot ng mahigit 220 katao ang naapektuhan ng matinding pagbaha sa Quezon City dahil sa malakas na pag-ulan noong mga nakalipas na araw.
Sa panayam ng DWIZ, sinabi ni National Disaster Risk Reduction and Management Council (NDRRMC) Spokesperson Mark Timbal na nasa 114 katao sa Barangay Masambong at 112 Sta. Lucia sa nabanggit na lungsod ang inilikas dahil sa flooding situation.
Sa kabila nito wala aniyang naitalang casualties.
Sa ngayon, hinihintay aniya nila ng abiso kung humupa na ang baha sa naturang lugar.
