Inatasan na ni Pangulong Rodrigo Duterte si Bureau of Internal Revenue o BIR Commissioner Cesar Dulay na paigtingin ang tax collections habang naghahanap ang gobyerno ng iba pang source of funds dahil sa natural at man-made disaster na kinakaharap ng bansa.
Ayon kay Finance Secretary Carlos Dominguez, dapat makabawi ang gobyerno upang mapunan ang mga hindi inaasahang gastos dahil sa mga kalamidad tulad ng lindol at kaguluhan sa Marawi City.
Maituturing namang pagpapakita ng kumpiyansa ang kautusan ni Pangulong Duterte kay Dulay sa gitna ng kinakaharap nitong issue hinggil sa tinapyas umanong tax liabilities ng isang malaking kumpanya na nagresulta sa bilyong pisong pagkalugi ng gobyerno.
Magugunitang sinimulan ng Kamara ang imbestigasyon sa BIR sa umano’y tax liabilities ng Del Monte Philippines para sa sa taong 2011 hanggang 2013 na aabot sa 8.7 billion pesos pero ibinaba sa P65 million pesos.
By Drew Nacino