Sinalakay ng mga kawani ng National Bureau of Investigation (NBI), ang Liquified Petroleum Gas (LPG) refilling station na Sun Crest Gas Corporation sa Calamba, Laguna.
Ang refilling station ay pag-aari ng asawa ni LPG Marketers Association Partylist Representative Arnel Ty, na si Marie Antonette.
Ginawa ng NBI ang pagsalakay, sa bisa ng search warrant na inilabas, kasunod ng reklamo ng Petron at Shell.
Batay sa reklamo ng dalawang kumpanya, mapanganib ang ginagawa ng refilling station, dahil maging ang mga depektibong tangke ay kanilang nire-refill.
Naaktuhan naman sa akto ng NBI ang mga tauhan ng refilling station, na pinipinturahan at tinatatakan ng “Republic Gas Corporation,” na pag-aari ng pamilya ni Ty, ang mga tangke.
By Katrina Valle | Aya Yupangco (Patrol 5)