Bagaman tuwa at pagkasabik ang nadama ng mga residente ng dahil sa nalalapit nilang pagbabalik sa kanilang tahanan sa Marawi City, dismaya naman ang kanilang naramdaman nang madatnang wala ng laman ang kanilang mga bahay matapos nila itong iwanan dahil sa bakbakan.
Dahil dito tiniyak ni Lt. Col Rosendo Abad Jr., na magsasagawa sila ng imbestigasyon katuwang ang Philippine National Police kaugnay sa looting o pagnanakaw hindi lamang sa mga kabahayan kundi pati sa mga establisyimento.
Nalaman ng mga residente na wala na ang kanilang mga iniingatang kagamitan nang bigyan sila ng pagkakataon ng mga sundalo na puntahan ang kanilang mga tahanan na nasa controlled area para makapag-ayos at makapaglinis.
Samantala, may mga pinalad namang mga bahay sa Marawi na hindi nadamay sa bakbakan.
—-
