Nasawi ang isang lalaki matapos makipagpalitan ng putok sa mga pulis na nagsasagawa ng monitoring sa Bangued, Abra.
Batay sa ulat, sinita umano ang lalaki dahil sa paglabag sa ipinatutupad na curfew.
Kinilala ang suspek na si Mark De Guzman.
Sa kuha ng CCTV makikita ang dalawang lalaki sa tapat ng isang bakery.
Maya maya pa ay may dumaan na isang rider at bumalik ito at tila kinausap ang mga lalaki.
May isa pang dumating na rider at makalipas ang ilang sandali ay bumunot ng baril ang rider at doon nagkabarilan at tumakbo ito palayo.
Tinugis ang lalaki at muling nagkaroon ng shootout.
Naisugod pa sa ospital ang suspek pero idineklara itong dead-on-arrival.