Target ng Department of Agriculture na magtayo ng karagdagang farm-to-market bridges ngayong 2026 para makatulong sa mga magsasaka at mangingisda.
Ayon kay Agriculture Secretary Francisco Tiu-Laurel Jr., nasa tatlong daang tulay ang kabuuang sakop ng programa kung saan nasa limampu ang maaasahan nang masisimulan ngayong taon.
Ito’y sa ilalim anya ng Farm-to-Market Bridges Development Program na isang official development assistance mula sa French government.
Nilinaw ni Sec. Laurel na layon ng inisyatibo na mapataas ang kita ng mga magsasaka at mangingisda sa bansa sa pamamagitan ng mas maayos na logistics at market access. —Sa panulat ni Jordan Gutierrez
