Binisita ni Pinky Aquino-Abellada kasama ang kanyang kapatid na si Viel Aquino ang puntod ng kanilang kapatid na si dating Pangulong Noynoy Aquino.
Ito’y matapos ang araw na mailibing ang labi ni Pnoy sa Manila Memorial Park, Paranaque City.
Ayon kay Abellada, patungo na sila sa Manila Memorial Park upang bisitahin ang puntod ng kanilang kapatid at puntod ng kanilang magulang ngunit hindi sila natuloy dahil sa dami ng tao sa naturang lugar.
Sinabi ni Abellada, dinagsa ng publiko ang puntod ng namayapang si dating Pangulong Noynoy Aquino sa memorial park.
Ang naturang puntod ay napapaligiran ng mga bulaklak na kulay dilaw, ribbon an dilaw at puti naman ang puntod.
Nagpaabot naman ng pasasalamat si Abellada sa lahat ng Pilipinong dumalaw sa kaniyang kapatid at sa walang sawang nagpapaabot ng pakikiramay sa kaniyang pamilya.
Aniya, nakakagaan ng puso ang ipinapakitang suporta ng taumbayan sa namayapa nilang kapatid.
Magugunitang, namayapa ang dating Pangulong Noynoy noong 20 kwatro ng Hunyo sa edad na 61 dahil sa renal disease secondary to diabetes.
