Inanunsyo ng Isuzu Philippines na kanila nang ipe-phaseout ang kanilang modelong Crosswind sa susunod na taon.
Ito ang inihayag ni Isuzu Philippine Corporation President Hajime Koso kasabay ng kanilang ika-20 anibersaryo sa Pilipinas.
Ayon kay Koso, kanilang papalitan ang mga Crosswind ng makabagong disenyo ng mga jeepney bilang tulong na rin sa hakbang ng pamahalaan hinggil sa modenization program sa sektor ng transportasyon.
Tinatayang nasa 200,000 mga lumang jeepney ang makikinabang sa mga gagawing bago at modernong modelo ng mga jeepney na ayon kay Koso ay environment friendly at economically fit.
—-
