Inilabas na ng Department of Trade and Industry ang listahan ng Suggested Retail Prices ng Noche Buena products upang magsilbing gabay ng mga mamimili, 28 araw bago mag-Pasko.
Ayon kay DTI Secretary Ramon Lopez, kabilang sa SRP guide ang ham, keso, keso de bola, pasta, tomato at spaghetti sauce.
Naglalaro sa 158 hanggang 204 pesos ang presyo ng kada 500 grams ng hamon habang 345 hanggang 1,120 pesos ang kada 1 kilo; keso na 165 grams, 49.50 hanggang P81.30;
Pasta spaghetti, 33 pesos at 75 centavos ang 400 grams, 54 pesos at 50 centavos sa 500 grams habang 59 hanggang 80 pesos sa kada 900 grams;
Tomato sauce, 62 hanggang 63 pesos at 50 centavos sa kada 1 kilo at spaghetti sauce, 68 pesos at 25 centavos hanggang 76 pesos at 25 centavos sa kada 1 kilo.
Nagpasalamat naman si Lopez sa mga manufacturer sa pagtugon sa panawagan ng kagawaran na huwag magtaas ng presyo bilang pakikisama sa mga consumer sa kabila ng COVID-19 pandemic. —mula sa panulat ni Drew Nacino