Nagpasaring ang Megastar na si Sharon Cuneta sa kanyang Instagram account kaugnay sa umano’y hindi nakarating na imbitasyon sa kanya para sa taunang Star Magic Ball.
Ayon kay Sharon, kahit pa dumating ang invitation letter ay ‘too late’ na ito dahil hindi na aabot ang gown na kanyang ipagagawa.
Nag-comment naman sa nasabing post ni Sharon ang kanyang kapwa singer at artist na si Martin Nievera at inimbitahan nito ang Megastar na kanyang maging date.
Ngunit tinanggihan ito ni Sharon at sinabing kaya nilang magkaroon ng sariling ball ng kanyang mga anak kahit kailan pa nila gusto.
Matatandaang noong 2016 ay nagpahayag si Sharon ng pagnanais na dumalo sa Star Magic Ball ngunit hindi ito nakapunta dahil nagpapapayat pa umano siya.
Ang Star Magic Ball ang isa sa pinakaaabangang event sa showbiz dahil dito nagsasama-sama ang mga artist ng ABS-CBN at iba pang kilalang personalidad.
—-
